Parlamento Nacional liu hussi Sessão Plenária ordinária iha loron 30 fulan junho tinan 2020, Deputado sira halo discussão no votação iha generalidade ba Proposta de Lei nº 16/V(2ª) – Lei da Proteção Civil, ho votos a favos 53, contra 0 no abstenção 0.
Depois de aprovação iha generalidade, Plenário delibera ho votos 49 a favor, contra 0 no abstenção 1, hodi entrega fali lei Proteção Civil ba Comissão B, ne’ebé trata assunto Negócios Estrangeiros, Defesa e Segurança, continua halo discussão no aprovação iha especialidade hodi ajusta recomendações sira hussi Deputado sira. No sei lori hikas relatório no pareceres ba plenário hodi discute no aprova iha final global.
Além de ne’e, iha período antes da ordem do dia, Comissão D ne’ebé trata assunto Economia e Desenvolvimento apresenta relatório fiscalização iha Município Viqueque 11 a 14 de março de 2020 no Município Ainaro 17 de abril de 2020, hodi hetan apreciação iha plenário.
Sessão Plenária ne’e preside hussi Presidente Presidente do Parlamento Nacional, Aniceto Longuinhos Guterres Lopes, acompanha hussi membro Mesa sira, no hetan presença hussi Ministro dos Assuntos Parlamentares e Comunicação, Francisco Gerónimo, no mos Secretário de Estado Proteção Civil, Joaquim Gusmão ho nia equipa.
