Pagina Inicial»Noticia
Parlamento Nacional liu hussi Comissão F ne’ebé trata assuntos Saúde, Segurança Social e Igualdade de Género, ne’ebe lidera hussi Presidente Comissão F, Deputado Noé da Silva Ximenes “Buka Tuir”, acompanha hussi membro comissão nian halo fiscalização iha Município Ainaro, iha loron 18 fulan junho tinan 2020.
Objetivo hussi fiscalização ne’e atu haree condição real Hospital Referencia Maubisse, Clinica Maternidade Aitutu, Hospital Ainaro, Armazém MSSI Ainaro, Posto de Saúde Casa no ikus liu halo reunião ho Administrador Município Ainaro inclui diretor sira, hodi hatene progresso ne’ebe mak sira atinge nomos problema ou desafio sira ne’ebe mak durante ne’e sira enfrenta.
Informação ne’ebé comissão simu, programa barak la consegue realiza tanba causa hussi orçamento duodécimo ne’ebé fó limitação hodi halo desenvolvimento tuir necessidade município nian, liuliu investimento integrado municipal nian.
Sorin seluk, ho pandemia mundial Covid-19 ne’e afeta ba economia povo nian tanba la iha circulação economia iha base, maibé ho subsidio família ne’ebé Governo selu ona resolve ona dificuldade balun ne’ebé povo enfrenta.
Liga ba Covid-19 ne’ebé afeta mundo tomak, equipa conjunta hussi Município Ainaro continua halo socialização ba prevenção moras refere.
Secretária Comissão F, Deputada Helena Martins, informa serviço iha Hospital Referencia too Posto de Saúde sira lao di’ak, maibé sei enfrenta dificuldade barak tanba Governo lao hela ho duodécimo.
Comissão F mós aprecia ho política hussi Associação Veterano sira nian ne’ebé loke Loja Veteranos no Estação Gasolina (Pertamina) Veteranos, hussi fundo veterano nian rassik, hodi tulun maluk veterano sira-nia vida.
