Pagina Inicial»Noticia
Parlamento Nacional iha loron 02 fulan junho tinan 2020, liu hussi Plenária ordinária halo destituição nomos eleição ba cargo Secretário no Vice-Secretário da Mesa Parlamento Nacional.
Destituição ba Secretária da Mesa, Deputada Maria Teresinha Viegas no Vice-Secretária da Mesa, Deputada Isabel Maria B. F. Ximenes, Liu hussi votação escrutínio secreto ho resultado votação, 39 a favor, 0 contra no 3 abstenções.
Depois de halo destituição, Deputado sira continua ho eleição, liu hussi escrutínio secreto ba Cargo Secretária da Mesa no Vice-Secretária da Mesa ho lista fechada completa e nominativa. Resultado hussi eleição, 41 a favor, 0 contra no 1 abstenção, ho nune’e, Plenário elege Deputada Lídia Norberta dos Santos Martins assume cargo nu’udar Secretária da Mesa no Deputado António Maria Nobre Amaral Tilman ba primeiro Vice-Secretária da Mesa.
Iha Período de Antes da Ordem do Dia nian, Bancada Parlamentar CNRT apresenta declaração política kona-ba situação politica atual.
Sorin seluk, iha intervenção Deputado sira preocupa kona-ba pagamento subsidio ba motorista nomos jornalista sira ne’ebé mak Governo seidauk atribui. Parte Educação nian, relaciona ho Escola balun iha Díli laran ne’ebé começa loke no halo processo aprendizagem presencial; Professor contratado balun la hetan salário hahú hussi janeiro to agora; Deputado sira mós questiona kona-ba projeto infraestrutura.
Ikus liu, Deputado balun hussu Governo atu fó explicação kona ba 5 milhões ne’ebé mak fó ba PNUD hodi sossa ai-moruk hodi combate covid-19, no assunto sira seluk liga ba desenvolvimento nacional.
Hatán ba preocupação sira ne’e, Ministro dos Assuntos Parlamentares e Comunicação Social, Francisco Jerónimo, hatete, relaciona ho subsídio ba jornalista SECOMS halo hela identificação; relativamente ho escola balun ne’ebé mak oras ne’e loke, Ministro ne’e afirma, Governo seidauk pronuncia oficial hodi loke escola, tanba ne’e, escola ne’ebé mak loke, sira na’in rassik mak responsabiliza; assunto importante sira seluk sei hato’o ba Governo hodi considera.
Sessão Plenária ne’e preside hussi Presidente do Parlamento Nacional, Aniceto Longuinhos Guterres Lopes, acompanha hussi membro da Mesa sira, no hetan presença hussi Ministro dos Assunto Parlamentares e Comunicação Social, Francisco Jerónimo.
