Pagina Inicial»Noticia
Parlamento Nacional, liu hussi Comissão F ne’ebe trata assunto Saúde, Segurança Social e Igualdade de Género, halo fiscalização iha Município Manufahi. Fiscalização ne’e lidera hussi Presidente Comissão F, Deputada Maria Gorrumali Barreto, acompanha hussi membro Comissão sira, iha loron 24 fulan abril tinan 2020.
Objetivo principal hussi fiscalização ne’e atu monitoriza preparação ba prevenção ba covid-19 iha Município Manufahi nian.
Município Manufahi forma ona comissão organizadora ba combate covid-19, ne’ebe lidera hussi Administrador Município Manufahi. Comissão ida-ne’e halo ona preparação, mesmo iha dificuldade barak ne’ebe mak sira enfrenta, maibé sira tenta serviço hamutuk ho parceiro nacional ho internacional hodi halo socialização ba comunidade sira, nomos identifica fatin quarentena, isolamento nomos rai hodi halo cemitério wainhira iha paciente ba Covid-19 nian ruma mate.
Além de ne’e, Comissão F halo visita ba fatin quarentena hodi hare infraestrutura nomos materiais saúde nian. Equipamentos ba atendimento paciente COVID-19 limitado no além de ne’e, problema ida mak Armazenamento ai-moruk nian la dun di’ak tanba quando iha tempo udan hetan inundação makas; comissão verifica katak ai-moruk iha armazém hamutuk 265 item, maibé item lubuk ida mak la iha.
Relaciona ho informação sira ne’e, Município Manufahi halo ona pedido ba iha Armazenamento Nacional (SAMES) maibé, ai-moruk sira ne’ebé haruka ba la tuir pedido município nian.
Presidente Comissão F considera katak, informação sira ne’ebé hato’o hussi responsável sira ne’e pertinente tebes, no Comissão sei discuti ho Ministério Saúde hodi hare kona-ba dificuldade sira ne’e.
