Parlamento Nacional, liu hussi Comissão F, ne’ebe trata assunto Saúde, Segurança Social e Igualdade de Género, halo fiscalização iha Município Manatuto, iha loron 17 fulan abril tinan 2020.
Atividade fiscalização ne’e fahe ba Grupo rua, Primeiro grupo Lidera hussi Presidente Comissão F, Deputada Maria Gorrumali Barreto, acompanha mos hussi membros comissão balun halo fiscalização iha Posto Administrativo Natarbora, no segundo Grupo, lidera hussi Vice-Presidente Comissão F, Deputado Noé da Silva Ximenes “Buka Tuir”, hamutuk ho membro Comissão sira seluk, halo fiscalização iha Posto Administrativo Laclubar.
Durante visita, Comissão F halo reunião ho Administrador Município Manatuto Fernando de Sousa Junior no mos Diretor Serviço Saúde Município Manatuto nian, hodi koalia kona-ba condição geral Saúde nian iha Município Manatuto, no mos preparação ba combate moras Covid-19. Iha Estudante hamutuk 41 mai hussi nação indonésia, (Feto 30 no Mane 11), oras ne’e iha hela quarentena.
Depois da reunião, Comissão F continua halo visita ba iha Armazém aimoruk nian, ba Centro Saúde Internamento no mos visita fatin quarentena.
Depois de atividade fiscalização ne’e, Presidente Comissão F informa ba jornalista sira kona-ba assunto sira ne’ebé mak autoridade local no responsável saúde sira informa mak hanessan, problema iha saúde maka hanessan orçamento duodecimal ne’ebe afeta ba programa Saúde Município Manatuto, hannesan bens e serviços, infraestruturas no equipamentos serviço nian. Presidente Comissão relata katak, Cetro Saude Internamento Natarbora laiha equipamentos serviço nian ne’ebé suficiente, hodi atende paciente sira, laiha Aimoruk ba moras nebe considera a’as hanesan moras respiratorio, moras fuan no tenção arterial, inclusivamente aimoruk Paracetamol mos laiha. Hussi Centro Saúde halo ona pedido, maibe aimoruk ne’ebe mak mai hussi municipio latuir pedido ne’ebe mak apresenta.
Presidente Comissão F, hatete, sei toma consideração ba problema sira ne’ebe mak Profesional saude sira hato’o iha Centru Saude Internamento Natarbora, sei hato’o ba Ministério Saúde, hodi tau iha consideração.
Timor-Leste mos agora ameaçado ba moras Covid-19, maibe, iha Centro Saúde no Posto Saúde sira iha Município Manatuto to’o agora laiha equipamento hanesan luvas ho máscara hodi protege médico sira bainhira halo sira nia serviço.
Presidente Comissao F agradece ba Comunidade sira hotu no husu atu continua coopera ho Centro Saúde sira ba controla estudante ou ema balun nebe tama ilegal iha Timor-Leste, tenki tuir regras saude nian, hodi hela iha quarentena durante loron 14, hodi nune profissional saúde sira bele controla sira nia Saúde.
