Pagina Inicial»Noticia
Deputado sira, liu hussi Sessão Plenária ordinária iha loron 06 fulan abril tinan 2020, continua hussu ba sociedade tomak atu continua halo prevenção máximo ba Covid-19 iha Timor-Leste.
Covid-19 agora daudaun ataca mundo tomak liuliu nação sira avançado ne’ebé iha capacidade recurso. Nune’e tuir Deputado sira katak único dala ne’ebé atu combate Covid-19 mak halo prevenção tuir orientação Governo nian.
Deputado sira mós continua sugere ba Governo atu informa ba embaixador no consulado sira hodi monitoriza cidadão timor iha rai-li'ur, no halo controla máximo ba fronteira no aeroporto.
Sessão Plenária ne’ebé preside hussi Presidente do Parlamento Nacional em exercício, Luis Roberto da Silva, ne’e hahú ho minuto ida hakmatek ba matebian sira iha Massacre Liquiçá iha loron 6 fulan abril tinan 1999 liu ba.
Sorin seluk, Deputado sira mós sugere atu oinsá controla mercado no loja sira atu cidadão sira ne’ebé precisa necessidade básico ruma bele acesso, maibé continua cumpre regra ne’ebé estabelece ona.
Secretario de Estado para a Comunicação Social, Merício Juvenal dos Reis «Akara», hatete Governo harii ona Centro Integrado e Gestão de Crise, hodi acompanha no informa ba publico kona-ba Covid-19 iha Timor-Leste. No centro rassik sei fó sai informação loroloron iha tuku 15:00 loraik.
Enquanto ba preocupação sira seluk, sei informa ba ministério relevante hodi resolve necessidade ne’ebé mak iha.
Iha período ordem do dia nian, Deputado sira halo aprovação ba Projeto de Resolução n.o 52/V/2ª – sobre a adoção de medidas para prevenção e combate de novo coronavírus (Covid-19) e medidas de recuperação e normalização económico-social do país e acompanhamento da execução da declaração de estado de emergência, ho 61 votos a favor, 0 contra no 0 abstenções.
