Pagina Inicial»Noticia
Comissão E iha Parlamento Nacional ne’ebe trata assunto Infraestrutura, iha loron 11 to’o 12 fulan março tinan 2020, hala’o fiscalização iha Município Viqueque.
Atividade fiscalização ne’e hahú ho observação construção irrigação foun ne’ebe localiza iha Posto Administrativa Uatulári, Suco Besoru, hodi haree diretamente progresso construção físico ne’ebe implementa hussi companhia internacional hussi Malásia, Pembinaan Pulau Sebang Sdn.Bhd.(PPSSB), ho supervisão hussi Consultant PT.SKM Joint Venture ho Kai Watu Kmanek (KWK).
Hafoin observa construção ne’e, Deputado sira continua ba observa Ponte Tara ne’ebé localiza iha Suco Caraubalu, Posto Administrativo Viqueque.
Fiscalização hirak ne’e halo atu haree progresso construção, ho nia utilização no benefício ba povo.
Eng Riyanto Sigit hatete projeto construção ba irrigação atinge ona 7,5% no garante sei finaliza tuir contrato ne’ebé mak iha.
Fiscalização ne’e lidera hussi Presidente Comissão E, Deputado Abel Pires, acompanha hussi membro comissão ho presença hussi Técnico Agencia de Desenvolvimento Nacional (ADN), Diretor Obras Públicas Município Viqueque, Administrador do Posto Uatulári no Chefe do Suco Besoru.
