Pagina Inicial»Noticia
Estudante hussi Escola Secundária Católica Santa Madalena de Canossa Díli hamutuk na’in 40 composto hussi feto 21 no mane 19, hala’o visita guiada ba Parlamento Nacional iha loron 10 fulan março tinan 2020.
Atividade visita guiada ne’e loke direitamente hussi Diretor de Comunicação Parlamento Nacional, Hélio Leite Magalhães, iha nia intervenção hatete, objetivo hussi visita guiada ne’e, atu fahe informação ba estudante sira liuliu kona-ba papel no funcionamento segundo órgão soberano ne’e nian atu nune’e hanessan referência estudante sira nian iha futuro.
Nune mós, iha fatin hanessan, representante Diretor da Escola Secundária Santa Madalena de Canossa, Adérito Ruben da Costa Freiras, agradece ba Parlamento Nacional bele convida estudante sira hussi Escola Secundária Santa Madalena de Canossa nian hodi participa iha visita guiada nomos iha biban hanessan bele aprende kona-ba papel no funcionamento segundo órgão soberano nian.
Iha biban hanessan, estudante sira mos acompanha apresentação matéria hussi Diretor Apoio Parlamentar, Joaquim Vicente, kona-ba papel no funcionamento Parlamento Nacional, nomos papel no funcionamento comissões especializadas, hafoin ida ne’e, estudante sira mos hetan oportunidade hodi asiste sessão plenária, nomos visita comissões sira.
