Pagina Inicial»Noticia
Presidente Parlamento Nacional, Arão Noé de Jesus da Costa Amaral, halo reunião ho Embaixador Palestina, Izzat Abdulhadi, Iha loron 25 fulan fevereiro tinan 2020, iha Gabinete Presidente Parlamento Nacional nian.
Iha reunião ne’e, Embaixador Palestina agradece ba Presidente Parlamento Nacional, tanba bele simu embaixador hodi halo reunião, hodi ko’alia no troca ideia kona-ba oinsá estabelece relação di’ak entre Parlamento Nacional Timor-Leste ho Parlamento Palestina nian, atu nune bele hametin relação Bilateral entre Nação rua ne’e.
Embaixador Palestina acrescenta liu tan katak, Timor-Leste nação ida importante tebes no bele serviço hamutuk ho nação Palestina ho nune, Parlamento Palestina hakarak estabelece comissão ida ho Parlamento Nacional Timor-Leste hodi bele promove no apoia Paz no Justiça iha Palestina.
