Pagina Inicial»Noticia
Parlamento Nacional, liu hussi reunião Plenária ordinária iha loron 24 fulan fevereiro tinan 2020, Deputado sira halo aprovação voto de pesar ba Comandante Unidade Polícia Marítima (UPM), Lino da Silva Saldanha ho Dra. Amitha Pradhan Thapa. Voto de pesar rua ne’e aprova ho unanimidade, 46 voto a favor 0 contra no 0 abstenções.
Antes tama ba intervenção diversas hussi Deputado sira, Mesa anúncio no distribui ba Deputado sira relatório de auditoria ba controlo veículos Estado nian hussi Ministério das Finanças-Direção Nacional de Monitorização e Gestão do Património de Estado 2015; alem de ne’e, distribui mos relatório auditoria ba controlo adiantamento Ossan hussi Ministério das Finanças 2015.
Iha intervenção diversas, Deputado sira questiona problemas necessidade básico mak hanessan, problema educação mak hanessan professores contratado continua la simu salario retro nomos salário to’o agora; problema Escola Secundário Geral iha município balun ne’ebé mak muda fali ba Escola Técnico vocacional; Caderneta escolar to’o agora seidauk iha; problema Estrada no pontes; problema veteranos; Problema bee-moos; Problema eletricidade; Problema Saúde; problema subsídio idosos; no mos informação importante sira seluk.
Hatán ba problema ne’ebé levanta hussi Deputado sira, Secretario de Estado para Comunicação Social hatete, problema sira ne’ebé levanta hussi Deputado sira sei encaminha nafatin ba ministério competente hodi toma atenção no resolve.
Reunião ne’e preside hussi Vice-Presidente Parlamento Nacional, Luis Roberto da Silva, acompanha hussi membro da Mesa sira, no hetan presença hussi Secretário de Estado para Comunicação Social, Merício Juvenal dos Reis.
