Pagina Inicial»Noticia
Presidente Grupo das Mulheres Parlamentares de Timor-Leste (GMPTL), Deputada Lídia Norberta dos Santos Martins, acompanha hussi Deputada Maria Angelica R. da C. dos Reis, halo audiência publica ho grupo Feto Potencial, Posto Administrativo Ossu Município Viqueque, iha loron 21 fulan fevereiro tinan 2020.
Audiência ne’e ho objetivo atu rona diretamente preocupação feto potencial sira nian kona-ba la iha acesso ambulância ba paciente sira liuliu inan issin-rua, inclui condição estrada ne’ebé aat dificulta tebes atu oinsá facilita moras sira ba clinica.
Hafoin audiência, Deputada sira hussi GMPTL continua halo reunião ho Administrador Posto Ossu, Augusto de Sousa, ho presidente grupo feto potencial Posto Administrativo Ossu, Maria Engracia ho nia membro sira iha edifício Posto Administrador Ossu.
Durante reunião, grupo Feto Potencial Ossu hato’o preocupação sira kona-ba dificuldade ne’ebé durante ne’e enfrenta hanessan, membro hussi grupo refere seidauk toma posse hodi dificulta ba serviço iha base, la iha orçamento hodi facilita atividade inclui capacitação ba membro sira.
Dificuldade seluk ne’ebé grupo ne’e enfrenta mak condição estrada no la iha eletricidade inclui bee-moos.
Preocupação hirak ne’e Deputada sira GMPTL sei apresenta ba Governo liu hussi sessão Plenária hodi hetan solução.
Tuir plano Deputada GMPTL sira mós atu halo visita ba Suco Lia Ruka, maibé la consegue tanba condição estrada ligação ba suco refere aat.
