Pagina Inicial»Noticia
Embaixador França ba Timor-Leste, Olivier Chambard, ho nia equipa halo visita cortesia ba Parlamento Nacional iha loron 20 fulan fevereiro tinan 2020.
Iha visita cortesia hassoru malu ho Presidente do Parlamento Nacional, Arão Noé de Jesus da Costa Amaral, iha gabinete Presidente nian, hodi informa ba Presidente kona-ba vontade Estado França nian hodi halo cooperação bilateral ho Timor-Leste.
Embaixador ne’e hatete, hafoin entrega carta credencial ba Presidente da República, nia parte sei hassoru malu ho entidade relevante sira hodi cumprimenta no hato’o vontade kona-ba cooperação hirak ne’ebé sei hala’o iha futuro.
Presidente do Parlamento Nacional agradece ba esforço Estado França nian hodi halo cooperação bilateral nune’e bele acelera desenvolvimento nacional.
