Pagina Inicial»Noticia
Estudante sira hussi Escola Secundaria Geral 4 de Setembro UNAMET Díli hamutuk na’in 40 composto hussi feto 20 no mane 20 halo visita guiada ba Parlamento Nacional iha loron 19 fulan fevereiro tinan 2020.
Iha abertura ba atividade visita guiada ne’e, Secretário-Geral Adjunto Parlamento Nacional, Luís Nascimento da Costa, hateten objetivo hussi visita guiada ne’e atu fahe informação ba estudante sira liuliu kona-ba papel no funcionamento segundo órgão soberano ne’e nian atu nune’e hanessan referencia ba estudante sira iha futuro.
Entretanto representante estudante sira, Jerónimo Gonçalves, hatete lori escola no estudante sira-nia naran agradece ba Parlamento Nacional ne’ebé bele convida estudante sira hussi Escola Secundaria 4 de Setembro UNAMET Díli, hodi participa iha visita guiada hodi bele aprende kona-ba papel no funcionamento segundo órgão soberano nian.
Iha atividade ne’e, iha mós apresentação matéria hussi Diretor Apoio Parlamentar, Joaquim Vicente, kona-ba papel no funcionamento Parlamento Nacional, nomos papel no funcionamento comissão especializada permanente sira.
Hafoin apresentação matéria, estudante sira halo visita ba sala plenária no comissão sira hodi haree diretamente funcionamento comissão sira-nian.
