Pagina Inicial»Noticia
Parlamento Nacional, liu hussi Comissão E, ne’ebé trata assunto Infraestrutura hala’o audiência ho representante Programa Nações Unidas ba Desenvolvimento (PNUD), Munkhtuya Altangerel ho nia equipa, iha loron 19 de fevereiro de 2020, iha sala de Conferencias do Parlamento Nacional.
Iha Audiência ida ne’e, PNUD halo apresentação ba Senhor Deputado sira kona-ba programa desenvolvimento PNUD nian ne’ebé mak implementa iha nação Timor-Leste, principalmente kona-ba bioengenharia ne’ebé liga ho floresta; programa green building ka edifício verde; hamenos desemprego; capacitação ba juventude hodi halo negócio no programa importante sira seluk.
Audiência ne’e lidera hussi, Presidente Comissão E, Sr. Abel Pires da Silva hamutuk ho Deputado sira Comissão E nian, conta mos ho Presença representante Programa Nações Unidas ba Desenvolvimento (PNUD), Munkhtuya Altangerel ho nia equipa.
