Secretária-Geral Parlamento Nacional, Cedelizia Faria dos Santos, acompanha hussi Secretário-Geral Adjunto, Luís Nascimento da Costa, halo assinatura memorandum de entendimento ho Chefe Marketing Parkway Hospital Singapura nian Sr. Jeffrey Law ho nia comitiva, iha loron 14 fulan fevereiro tinan 2020, iha Sala conferência Parlamento Nacional.
Iha discurso Secretária-Geral Parlamento Nacional nian hatete, assinatura memorandum de entendimento entre Parlamento Nacional ho Parkway Hospital Singapura nian ne’e ho base iha decisão Conselho Administração, aprova hodi escolha hospital ida-ne’e, hodi nune’e bele halo atendimento ba Deputados no funcionário sira ne’ebe hetan moras. Duração memorandum de entendimento ne’e ba tinan ida.
Nune mós iha fatin hanessan representante hussi Hospital, Jeffrey Law hatete ho assinatura memorando de entendimento entre Parlamento Nacional ho Parkway Hospital Singapura sei atende ba Deputado no funcionário sira ne’ebé moras, nomos nia parte sei encaminha paciente ne’ebé moras ba iha hospital sira mak hanessan Novena Hospital, Grand Eagle hospital nomos Parkway rasik.
Participa iha cerimónia de assinatura memorandum, Secretária-Geral Parlamento Nacional, Cedelizia Faria dos Santos, acompanha hussi Adjunto-Secretaria-Geral, Luís Nascimento hamutuk ho Diretor no chefia sira Parlamento Nacional nian ho presença hussi Chife Marketing Parkway Hospital, Jeffrey Law ho nia comitiva.
