Comissão F ne’ebe trata Assunto Saúde, Segurança Social e Igualdade de Género, Iha loron 12 fulan fevereiro tinan 2020, halao audiência pública ho Presidente Instituto Segurança Social, Sr. Longuinhos Armando Leto, ho nia comitiva iha Sala Conferencia Parlamento Nacional.
Iha audiência pública ne’e, Presidente Instituto Nacional Segurança Social ho nia equipa apresenta ba Senhores Deputado sira Lei Regime Contributivo Segurança Social, Nº.12/2016, além de ne’e, explica mos kona-ba processo desconto salario ba trabalhador sira iha setor público no setor privado, kada fulan empregador selu 6 % no empregado 4% .
Audiência pública ne’e lidera hussi Presidente Comissão F, Maria Gorumali Barreto, no acompanha hussi estrutura Mesa Comissão, hamutuk ho Deputado sira.
