Pagina Inicial»Noticia
Secretária-Geral Parlamento Nacional, Cedelizia Faria dos Santos, acompanha hussi Secretário-Geral Adjunto, Luis Nascimento da Costa, halo reunião ho funcionário sira hussi Direção de Comunicação, iha loron 04 fulan fevereiro tinan 2020, iha sala GMPTL Parlamento Nacional.
Iha abertura, Secretária-Geral hatete objetivo hussi reunião ho funcionário sira iha Direção de Comunicação ne’e atu identifica progresso no desafio hirak ne’ebé mak funcionário sira enfrenta iha sira nia serviço loroloron nian, nune bele buka solução ne’ebé di’ak hodi contribui no assegura serviço secretariado nian ho profissionalismo iha futuro.
Durante reunião ho Secretária-Geral, chefe divisão sira ne’ebé tutela iha Direção de Comunicação hanessan Divisão de Relações Públicas, Comunicação e Educação Cívica, Divisão de Rádio e Televisão Parlamento Nacional, Divisão de Tecnologia de Informação e Comunicação, apresenta tarefas principal de cada divisão, nune’e mós, progresso no dificuldade divisão ida-idak enfrenta.
Depois de ne’e, funcionário sira mós apresenta sira nia tarefas principal nomos preocupação sira liga ho tarefas ne’ebé mak sira desempenha, hodi nune’e bele presta apoio ho digno ba público interno nomos externo.
Tuir plano, reunião ho Direção de Comunicação sei hala’o cada fulan tolu hodi acompanha no avalia tarefas ne’ebé mak funcionário sira direção ne’e desempenha.
Reunião hanessan halo tia ona iha semana kotuk ho Funcionário sira iha Direção de Apoio Parlamentar nomos Gabinete sira iha Secretariado-Geral Parlamento Nacional.
