Pagina Inicial»Noticia
Comissão F iha Parlamento Nacional ne’ebé trata assunto Saúde, Segurança Social e Igualdade de Género, hala’o fiscalização iha Região Administrativa Especial Oecússi Ambeno (RAEOA), iha loron 29 too 31 fulan janeiro tinan 2020.
Atividade fiscalização ne’e preside hussi Presidente Comissão F, Deputada Maria Gorumali Barreto, acompanha hussi membro comissão nian.
Durante fiscalização, Comissão F visita Posto Saúde Sakato, Hospital Referencia Oecússi, Clinica Coração, hodi haree condição serviço no fisicamente infraestrutura refere. Hafoin ida ne’e continua kedas reunião ho estrutura sira hussi Ministério da Solidariedade Social e Inclusão, hodi rona preocupação sira antes hakat ba observa armazém hodi haree equipamento sira ba situação emergência.
Alem de ne’e, Comissão F mós halo fiscalização ba Posto Administrativo Oessilo hodi visita Centro Saúde Oessilo, hodi haree condição no equipamento hirak ne’ebe durante ne’e usa hodi halo atendimento ba paciente sira, inclui centro saúde regional hodi haree armazém ba ai-moruk sira no ambulância hodi atende ema moras.
