Pagina Inicial»Noticia
Presidente Cruz Vermelha de Timor-Leste, Madalena F. Hanjam, ho nia equipa halo reunião ho Presidente do Parlamento Nacional, Arão Noé de Jesus da Costa Amaral, iha loron 30 fulan janeiro tinan 2020, iha Gabinete Presidente nian.
Durante reunião, Presidente Cruz Vermelha de Timor-Leste (CVTL) apresenta ba Presidente do Parlamento Nacional kona-ba atividade hirak ne’ebé Cruz Vermelha hala’o iha rai laran inclui estrangeiro.
CVTL durante ne’e halo ona atividade barak hodi tulun comunidade sira liuliu iha área rural sira, hanessan bee moos, saneamento no seluk tan. Entretanto iha cooperação estrangeiro, CVTL continua halo cooperação ho nação sira seluk hodi apoia desenvolvimento iha Timor-Leste.
Tanba ne’e CVTL hussu apoia Parlamento Nacional iha implementação plano no programa ne’ebé CVTL sei hala’o iha futuro.
Presidente do Parlamento Nacional aprecia tebes ho serviço CVTL durante ne’e, no hussu atu continua melhoria iha futuro, hodi tulun mós Governo iha desenvolvimento nacional. Parlamento Nacional rassik continua iha vontade hodi apoia plano no programa hirak ne’ebé beneficia ba povo tomak.
