Pagina Inicial»Noticia
Parlamento Nacional liu hussi Comissão Especializada Permanente sira, iha loron 9 fulan janeiro tinan 2020, continua halo audiência pública ho ministério relevante sira kona-ba Proposta Orçamento Geral de Estado tinan 2020 nian.
Durante audiência ho ministério sira ko’alia liu kona-ba execução Orçamento Geral de Estado 2019 nian, no halo apreciação ba Orçamento Geral de Estado 2020 nian baseia ba numero hirak ne’ebé hetan alteração.
Iha loron ikus Comissão Especializada Permanente sira halo audiência ho ministério sira, comissão sira ne’ebé sei halo audiência mak hanessan Comissão C ne’ebe trata assunto Finanças Públicas, halo audiência ho Ministra das Finanças no Comissão E ne’ebe trata assunto Infraestrutura, halo audiência ho Presidente da Autoridade da Região Administrativa Especial de Oecússi Ambeno e da Zona Especial de Economia Social de Mercado-RAEOA-ZEESM.
Comissão sira seluk contínua prepara sira nia relatório no parecer sectorial hodi submete ba Comissão C, no Comissão C sei apresenta ba Sua excelência Presidente Parlamento Nacional tuir data ne’ebé mak fixa ona iha calendário de audiência nian.
Tuir calendário ba discussão no votação proposta de Lei nº 9/V(2ª) Orçamento Geral de Estado para 2020, sei hahú iha loron 15 de janeiro de 2020.
