Pagina Inicial»Noticia
Parlamento Nacional liu hussi Comissão Especializada Permanente sira, iha loron 6 fulan janeiro tinan 2020, hahú ona audiência pública ho Governo liu hussi ministério relevante sira kona-ba Proposta Orçamento Geral de Estado 2020 nian.
Durante audiência ho ministério sira ko’alia liu kona-ba execução Orçamento Geral de Estado 2019 nian, no halo apreciação ba Orçamento Geral de Estado 2020 nian baseia ba numero hirak ne’ebé hetan ko’a.
Audiência ba loron dahuluk nian ne’e, iha parte dadeer Comissão A ne’ebe trata assunto Constitucionais e Justiça, halo audiência ho Gabinete Presidência da República, Gabinete Primeiro-Ministro, Diretor Centro Nacional Chega no Gabinete Apoio Sociedade Civil; Comissão B ne’ebé trata assuntos Negócios Estrangeiros, Defesa e Segurança, halo audiência ho Ministério dos Negócios Estrangeiros e Cooperação, TIA IDTL e ACTL; Comissão C ne’ebe trata assunto Finanças Publicas, halo audiência ho Ministério das Finanças, Comissão D ne’ebe trata assunto Economia e Desenvolvimento, halo audiência ho Ministério de Agricultura e Pescas; Comissão E ne’ebe trata assunto Infraestrutura, halo audiência ho Ministério das Obras Publicas acompanha hussi Unidade de Gestão Projetos, e Instituto Gestão de Equipamentos; Comissão F ne’ebe trata assunto Saúde Segurança Social e Igualdade de Género, halo audiência ho Ministério da Saúde, Hospital Nacional Guido Valadares, Laboratório Nacional, Serviço Autónomo de Medicamentos e Equipamento de Saúde (SAMES), no Instituto Nacional de Saúde; Comissão G ne’ebe trata assunto Educação Cultura Juventude e Cidadania, halo audiência ho Ministério do Ensino Superior Arte e Cultura, acompanha hussi Secretário de Estado Arte e Cultura Agencia Nacional de Acreditação Académica (ANAA), Fundo de Desenvolvimento Capital Humano (FDCH) no Instituto Politécnica de Betano (IPB)
Iha parte lokraik, Comissão A continua halo audiência ho Provedoria dos Direitos Humanos e Justiça no Comissão Nacional de Eleições; Comissão B continua halo audiência ho Serviço Nacional de Inteligência; Comissão D continua halo audiência ho Ministério do Petróleo acompanha hussi Timor GAP, ANPM no IPG.
Audiência publica ne’e sei continua iha loron 7 fulan janeiro tinan 2020, ho ministério relevante sira seluk.
