Parlamento Nacional, liu hussi reunião Plenária Ordinária, iha loron 10 fulan dezembro tinan 2019, Deputado sira halo eleição ba membro efetivo no suplente ba Conselho Superior ba Ministério Público. Candidato sira ne’ebé apresenta hussi Deputado sira mak hanessan Filipe Rodrigues Pereira no Ivo Jorge Valente.
Processo eleição liu hussi votação escrutínio secreto, no resultado a favor 34 Contra 11 no abstenções 3, ho nune’e Mesa pronúncia membro efetivo mak Filipe Rodrigues Pereira no membro suplente mak Ivo Jorge Valente.
Alem de ne’e, Plenário mos halo discussão no aprovação ba Projeto de Resolução nº 46/V(2ª) – Atribuição da Nacionalidade Timorense a Max Stahl por altos e relevantes serviços prestados a Timor-Leste; Projeto de Resolução ida ne’e aprova ho votos por unanimidade ho 48 a favor, contra 0 no abstenções 0.
Iha agenda ne’e mós, Comissão Finanças Públicas (Comissão C) apresenta relatório visita ba Portugal iha loron 19 to’o 28 fulan setembro tinan 2019, ne’ebé apresenta hussi Presidente Comissão C, Deputada Maria Fernanda Lay hamutuk ho relator na’in rua, Deputada Maria Terezinha Viegas ho Deputado António da Conceição.
Iha parte seluk, Bancada Parlamentar UDT-FM, hato’o informação escrita ba Mesa kona ba nomeação Presidente Bancada foun mak Deputado Francisco David Xavier Carlos.
Entretanto iha intervenções diversas nian, Deputado sira continua questiona kona-ba assunto desenvolvimento básico hanessan eletricidade, bee moos, estrada, saúde, justiça, Educação iha capital Díli inclui município balun ne’ebé seidauk resolve. Além de ne’e, Deputado sira mos questiona kona-ba direito pessoal segurança Central Elétrica nian ne’ebé la simu salário; Data limite ba submissão proposta OGE 2020 mai Parlamento Nacional; Estrutura Governo ne’ebé la completo; questão segurança iha tempo kalan Natal nian; Declaração Reitor UNTL relaciona ho disponibilidade simu estudante foun quatro mil de’it; Máquina correção matéria exame nacional precisa tau iha município sira atu nune’e professores sira bele acompanha; zebra cross ne’ebé mak parado no mos informação importante sira seluk.
Relaciona ho questões ne’ebé apresenta hussi Deputado sira, Representante hussi Governo, Mericio Akara hatete, Orçamento Geral Estado 2020, Primeiro-Ministro sei haruka Carta mai Parlamento Nacional iha tempo badak; relaciona ho Estrutura Governo la completo, Primeiro-Ministro mantem lista ne’ebé apresenta ona ba Presidente da República no hein confirmação; Assunto segurança ministério relevante pronto assegura estabilidade iha tempo kalan, nomos problema pessoal segurança iha EDTL, ministério relevante presta hela atendimento, no problema sira seluk sei regista no hato’o ba ministério relevante hodi buka solução.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Secretário de Estado da Comunicação Social, Mericio Juvenal dos Reis “Akara”.
