Pagina Inicial»Noticia
Parlamento Nacional liu hussi sessão plenária ordinária iha loron 02 fulan dezembro tinan 2019 hahú ona halo discussão iha generalidade ba Proposta Orçamento Geral Estado tinan 2020 nian. Proposta de Lei Orçamento ne’e apresenta hussi Primeiro-Ministro da República Democrática de Timor-Leste, Taur Matan Ruak, acompanha hussi membro Governo sira.
Debate OGE 2020 ne’e hahú ho execução Hino Nacional da República Democrática de Timor-Leste, no continua kedas ho anúncio ba substituição ba saudoso Deputado Gilman Assunção Exposto dos Santos ba Sr. Francisco David Xavier Carlos, hussi bancada UDT/FM.
Hafoin halo substituição, plenária halo apreciação no aprovação ba guião ho 36 votos a favor, 16 votos contra no 4 votos abstenções.
Liu tiha ida-ne’e, Presidente do Parlamento Nacional, Arão Noé de Jesus da Costa Amaral, fó tempo ba Primeiro-Ministro, Taur Matan Ruak, hodi halo apresentação ba Proposta OGE 2020 nian no apresentação relatório no parecer hussi Comissão C, ne’ebé trata assuntos Finanças Publicas, hussi Deputado relator sira.
Proposta OGE ba 2020 ho total §1.950, ne’ebé fahe ba rubrica hanessan; Salários e Vencimentos, §241,271; Bens e Serviços, §727,587; Transferências Públicas §469,773; Capital Menor, §53,167 no Capital de Desenvolvimento §458,202.
Discussão loron dahuluk ne’e termina iha 18h51 no sei continua iha loron tuir mai, 03 fulan dezembro tinan 2019.
