Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, Presidente Comissão F no Secretária-Geral Parlamento Nacional, entrega sassán necessidade básico ba comunidade sira ne’ebé afeta incendio iha Município Liquiçá no Ermera ne’ebé acontece iha fulan outubro liu ba.
Processo entrega necessidade básico ne’e hala’o iha loron 22 too 23 fulan novembro tinan 2019, iha município refere hanessan Suco Asmanu Município Liquiçá no Suco Urahou Município Ermera, ne’ebé simu diretamente hussi comunidade afetado sira.
Presidente do Parlamento Nacional iha entrega sassán necessidade básico ne’e hatete tuir dados ne’ebé Comissão F recolha durante fiscalização, decide liu hussi reunião líder bancada sira haruka dados refere ba Governo hodi fó atendimento urgente. No ohin Parlamento Nacional tulun uitoan vítima sira hodi hakmaan sussar ne’ebé enfrenta.
Entretanto comunidade sira agradece tebes ba apoio refere hodi hakmaan dificuldade sira ne’ebé vitima sira enfrenta.
