Pagina Inicial»Noticia
Diretor Gabinete ba Assunto Marítima ba Sudeste Asiático hussi Ministério dos Negócios Estrangeiros Estados Unidos da América (EUA), Mark D. Clark, ho nia comitiva halo reunião ho Vice-Presidente do Parlamento Nacional, Maria Angelina Lopes Sarmento, acompanha hussi Presidente Bancada sira no membro Comissão B ne’ebé trata assuntos de Negócios Estrangeiros, Defesa e Segurança, iha sala de conferencia Parlamento Nacional, iha loron 15 fulan novembro tinan 2019.
Diretor Gabinete ba Assunto Marítima ne’e aprecia ho serviço hamutuk entre Timor-Leste ho Estados Unidos da América durante ne’e, no contínua hatudu cometimento hodi apoio desenvolvimento Timor-Leste liuliu iha área Boa Governação no Democracia, Saúde, Educação, Saneamento no seluk tan.
Sorin seluk, Presidente Bancada sira hato’o agradecimento ba Estados Unidos da América nia apoio liu hussi organização Internacional Republicana Instituto (IRI) durante ne’e, hanessan apoio formação ba partido político sira desde tinan 2001 too agora.
Deputado sira mós hussu ba EUA atu continua apoio Timor-Leste iha processo desenvolvimento nacional.
