Presidente Parlamento Nacional, Arão Noé de Jesus da Costa Amaral, acompanha hussi Vice- Secretária da Mesa, Deputada Isabel Maria B. F. Ximenes, halao reunião ho Presidente Grupo Independente recolha dados kona ba veteranos falsos, Sr. José Dias Guterres ho nia equipa, iha loron 5 fulan novembro tinan 2019, iha sala conferência Parlamento Nacional.
Durante encontro, grupo independente ne’e apresenta ba Presidente Parlamento Nacional dados hussi veteranos falsos ne’ebe mak grupo ne’e recolha hamutuk 183 hussi Município ualu mak hanesan Aileu, Ainaro, Baucau, Bobonaro Díli, Ermera, Liquiçá no Manufahi.
Dados sira ne’ebe mak grupo ne’e recolha, apresenta ona ba iha Tribunal Distrital sira hanesan Tribunal Distrital Suai, Baucau, no Díli. Iha tempo hanesan grupo ne’e husu ba Parlamento Nacional atu fo apoio ba grupo iha desempenho sira nia função.
Iha biban ne’e, Presidente Parlamento Nacional aprecia ba serviço ne’ebe mak grupo ne’e desempenha hodi ajuda tebes estado ba identifica dados veteranos falsificado sira.
Reunião ne’e preside hussi Presidente Parlamento Nacional, Arão Noé de Jesus da Costa Amaral, acompanha hussi Vice-Secretária da Mesa, Deputada Isabel Maria B. F. Ximenes no hetan presença hussi Presidente Grupo independente recolha dados veteranos falsificados, Sr. José Dias Guterres hamutuk ho Presidente grupo independente recolha dadus veteranos hussi município ualo hanesan; Aileu, Ainaro, Baucau, Bobonaro, Díli, Ermera, Liquiçá no Manufahi.
