Comissão Especializada Permanente sira iha Parlamento Nacional, iha loron 05 fulan novembro tinan 2019, continua halo audiência ho ministério sira kona-ba Proposta Orçamento Geral de Estado (OGE) 2020 no mos execução Orçamento Geral do Estado 2019 nian.
Audiência ba loron daneen ne’e, comissão especializada sira halo audiência ho ministério relevante sira hanessan parte dadeer; Comissão A ne’ebé trata assuntos Constitucionais e Justiça, halo audiência ho Ministério da Administração Estatal, acompanha ho Diretor-Geral Secretariado Técnico de Administração Eleitoral; Comissão B ne’ebé trata assunto Negócios Estrangeiros, Defesa e Segurança Nacional realiza audiência ho Instituto Defesa Nacional (IDN), Comissão C ne’ebé trata Assunto Finanças Públicas hamutuk ho Comissão D ne’ebé trata assunto Economia no Desenvolvimento, halo audiência conjunta ho Ministro do Petróleo e Minerais Interino e Acompanhado pela Timor-Gap, ANPM e IPG; Comissão F ne’ebé trata Assunto Saúde, Segurança Social e Igualdade de Género, halo audiência ho Hospital Nacional Guido Valadares hamutuk ho Laboratório Nacional, no ikus, Comissão G ne’ebé trata assunto Educação, Juventude, Cultura e Cidadania, realiza audiência ho Agencia Nacional de Acreditação (ANAA).
Iha parte lokraik, Comissão A continua halo audiência ho Comissão Nacional de Eleições no Comissão da Função Pública; Comissão B halo audiência ho Serviço Nacional de Inteligência; Comissão F halo audiência ho SAMES no INS; Comissão G halo audiência ho Fundo Desenvolvimento de Capital Humano (FDCH); no Comissão C ho D continua sira nia audiência ho entidades sira iha parte dader nian.
Audiência pública ne’e sei continua iha loron, 06 fulan novembro tinan 2019, ho ministério no instituição relevante sira seluk.
