Comissão Especializada Permanente sira iha Parlamento Nacional, iha loron 30 fulan outubro tinan 2019, continua halo audiência ho ministério sira kona-ba Proposta Orçamento Geral de Estado (OGE) 2020 no mos execução Orçamento Geral do Estado 2019 nian.
Audiência ba loron dahaat ne’e, comissão especializada sira halo audiência ho ministério instituição relevante sira hanessan parte dadeer; Comissão B ne’ebé trata Assunto Negócios Estrangeiros, Defesa e Segurança Nacional, halo audiência ho Ministério dos Negócios Estrangeiros e Cooperação, TIA, IDTL e ACTL; Comissão C ne’ebé trata Assunto Finanças Públicas hamutuk ho Comissão D ne’ebé trata Assunto Economia no Desenvolvimento, halo audiência conjunta ho Banco Central de Timor-Leste (BCTL), depois de ne’e, Comissão C Continua nia audiência ho Banco Nacional de Comercio de Timor-Leste (BNCTL); Comissão E ne’ebé trata Assunto Infraestruturas halo audiência ho Ministro dos Transportes e Comunicações; Comissão F ne’ebé trata assunto Saúde, Segurança Social e Igualdade de Género halo audiência ho Comissão Nacional da HIV/SIDA, Comissão Nacional de Direito das Crianças no mos Centro de Nacional de Reabilitação.
Iha parte lokraik, Comissão C continua halo audiência ho Fórum de Organização Não-Governamental de Timor-Leste (FONGTIL); Comissão D halo audiência ho Banco Nacional de Comercio de Timor-Leste (BNCTL); Comissão E halo audiência ho ACCTL, ANATL, APORTIL, IGE e ICT-TL; Comissão F halo audiência ho Secretária de Estado da Igualdade e Inclusão.
Audiência pública ne’e sei continua iha loron, 04 fulan novembro tinan 2019, ho ministério no instituição relevante sira seluk.
