Comissão Especializada Permanente sira iha Parlamento Nacional, iha loron 29 fulan outubro tinan 2019, continua halo audiência ho Governo kona-ba Proposta Orçamento Geral de Estado (OGE) 2020 no mos execução Orçamento Geral do Estado 2019 nian.
Audiência ba loron datoluk ne’e comissão especializada sira halo audiência ho ministério relevante sira hanessan parte dadeer; Comissão A ne’ebé trata assuntos Constitucionais e Justiça, halo audiência ho Ministro de Estado e da Presidência do Conselho de Ministros; Comissão B ne’ebé trata Assunto Negócios Estrangeiros, Defesa e Segurança Nacional, halo audiência ho Ministro da Defesa; F-FDTL ho nia componente sira; Comissão C ne’ebé trata Assunto Finanças Públicas hamutuk ho Comissão D ne’ebé trata Assunto Economia no Desenvolvimento, Comissão E ne’ebé trata Assunto Infra-Estrutura, Comissão F ne’ebé trata Assunto Saúde, Segurança Social no Igualdade Género no Comissão G ne’ebé trata assuntos Educação, Juventude, Cultura e Cidadania, halo audiência conjunta ho Ministro dos Transportes e Comunicação no mos Presidente da Autoridade da Região Administrativa Especial de Oecússi Ambeno e da Zona Especial de Economia Social de Mercado.
Iha parte lokraik, Comissão A continua halo audiência ho Ministro da Reforma Legislativa e Assuntos Parlamentares no mos ho Judicial System Monitoring Programa (JSMP); nune’e mos Comissão B, C, D, E, F no G continua sira nia audiência ho entidades hanessan iha parte dader nian.
Audiência pública ne’e sei continua iha loron tuir mai, 29 fulan outubro tinan 2019, ho ministério relevante sira seluk.
