Comissão Especializada Permanente sira iha Parlamento Nacional, iha loron 28 fulan outubro tinan 2019, continua halo audiência ho Governo kona-ba Proposta Orçamento Geral de Estado 2020 nian.
Audiência ba loron daruak ne’e comissão especializada sira halo ho ministério relevante sira hanessan parte dadeer; Comissão A ne’ebé trata assuntos Constitucionais e Justiça, halo audiência ho Presidência da República; Comissão C ne’ebé trata Assunto Finanças Públicas hamutuk ho Comissão E ne’ebé trata Assunto Infra-Estrutura no Comissão F ne’ebé trata Assunto Saúde, Segurança Social no Igualdade Género, halo audiência conjunta ho Ministério das Obras Públicas (MOP) acompanha ho Unidade Gestão ba Projeto sira; Comissão D ne’ebé trata Assunto Economia no Desenvolvimento halo audiência ho Ministério Agricultura no Pescas; Comissão G ne’ebé trata assuntos Educação, Juventude, Cultura e Cidadania, halo audiência ho Ministério da Educação, Juventude e Desportos no Secretario de Estado Juventude e Desportos.
Iha parte lokraik, Comissão A continua halo audiência ho Gabinete Primeiro Ministro acompanha hussi Arquivo Museu da Resistência Timorense (AMRT), Centro Nacional CHEGA,I.P., Gabinete de apoio ba Sociedade Civil no Inspetor-Geral do Estado; Comissão B halo audiência ho Fundação Mahein (ONG); Comissão C, E no F halo audiência ho Ministro do Planeamento e Investimento Estratégico (MPIE) acompanha hussi CAFI, ADN, CNA no SGP.
Durante audiência sira ne’e ko’alia kona-ba execução OGE 2019 no halo apreciação inicial ba Proposta OGE 2020 nian ba cada ministério.
Audiência pública ne’e sei continua iha loron tuir mai, 29 fulan outubro tinan 2019, ho ministério relevante sira seluk.
