Pagina Inicial»Noticia
Parlamento Nacional liu hussi reunião plenária ordinária iha loron 21 fulan outubro tinan 2019 Deputados sira hato’o preocupação kona-ba desastre naturais ne’ebe mak acontece iha Município sira mak hanessan Ermera, Liquiçá, Maliana no Aileu ne’ebé resulta comunidades barak nia uma ahi han no anin sobu.
Iha período antes da ordem do dia, Deputados sira halo apreciação ba relatório estudo comparativo hussi Comissão ne’ebé trata assunto saúde, Segurança Socias e Igualdade de Género ( Comissão F) iha Portugal. Iha biban ne’e mós, Vice-Presidente Bancada FRETILIN lê sai Declaração Política kona-ba relatório Câmara de Contas nian ba Orçamento Geral do Estado.
Entretanto, iha intervenção diversos, Deputados sira hussu ba Governo atu tau atenção imediata ba vitima sira ne´ebé mak nia uma hetan estragos hóssi desastre naturais iha semana hirak liu ba tambá agora bessik tempo udan; Deputado sira mós contínua preocupa ho eletricidade, be moos, estrada iha área rurais, clínica iha Citrana- OECÚSSI, sinais trânsito iha Capital Díli, lixo iha posto Administrativo Maubisse no assunto importante sira seluk.
Hatán ba preocupação hussi Deputados sira Ministro da Reforma Legislativa Assunto Parlamentar Fidélis Leite Magalhães hatete, problema sira ne’ebe mak Deputados sira apresenta sira regista no sei encaminha ba Ministério relevante sira hodi tau iha consideração iha orçamento 2020.
Reunião Plenária ne’e preside hussi Vice-Presidente Parlamento Nacional, Luís Roberto da Silva acompanha hussi Membro da Mesa, ho presença ho Ministro da Reforma Legislativa e Assuntos Parlamentar, Fidélis Leite Magalhães.
