Pagina Inicial»Noticia
Parlamento Nacional iha loron 16 fulan outubro tinan 2019, iha Sala de Conferências Parlamento Nacional nian, hala’o cerimónia tomada de posse ba membro foun Conselho Consultivo Fundo Petrolífero nian, hanessan, Sr. Nuno Eugénio Goulart, representante Parlamento Nacional; Sra. Martinha da Silva de Jesus Pinto, Representante hussi NGO Fórum no Sr. Hernâni Agostinho Soares, representante hussi Câmara Comércio e Indústria (CCI). Cerimónia ida-ne’e preside hussi Sua Exª Presidente do Parlamento Nacional, Sr. Arão Noé de Jesus da Costa Amaral.
Iha intervenção Presidente do Conselho Consultivo Fundo Petrolífero, Reverendíssimo Padre Júlio Crispim Ximenes Belo, hatete, evento ohin ne’e, hanessan evento ne’ebé importante CCFP hein, ho Tomada de posse ida ne’e completa ona membro CCFP tuir Lei Fundo Petrolífero nian, forma equipa ne’ebé bele hala’o serviço tuir lei haruka durante sira nia mandato. Papel principal CCFP mak fó parecer ida ne’ebé adequada no justo ba membro Parlamento Nacional hodi foti decisão relativamente Orçamento Geral Estado ba efeito aprovação.
Iha sessão de abertura, Presidente do Parlamento Nacional iha nia discurso hateten, Conselho consultivo Fundo Petrolífero hanessan órgão de acompanhamento de gestão do Fundo Petrolífero, ho nia objetivo principal garantia iha ninia aplicação beneficio hussi geração atual no geração vindouras. Presidente mós deseja muito sucesso ba membro ne’ebé simu posse, tanba iha responsabilidade boot hodi acompanha gestão fundo ba futuro geração.
Participa iha cerimónia ne’e: membro da Mesa; Presidentes das Bancadas; Secretária-Geral do Parlamento Nacional, no membro CCFP sira seluk.
