Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi Ministro dos Negócios Estrangeiros e Cooperação, Dionisio Babo Soares, Presidente Cruz Vermelha de Timor Leste, Madalena Hanjam no Adjunto Chefe Delegação Regional Comité Internacional Cruz Vermelha ba Timor Leste no Indonésia, Dany Merhy, halo Lançamento ba Livro kona-ba Lei Humanitária Internacional, iha loron 15 fulan outubro tinan 2019, iha Parlamento Nacional.
Iha discurso Presidente Parlamento hateten, Lei Humanitária Internacional obrigatório ba nação sira vinculado liuliu acordo relevante sira iha lei refere. Violação ba Humanitário Internacional considera crimes de guerra no hetan consequência boot tebes tanto ba nação sira no mós ema responsável sira.
Livro ida-ne’e importante ba ita hotu liuliu membro Parlamento Nacional sira hodi hatene didi’ak lei humanitária nian no garante katak lei ida-ne’e aplicável iha Timor Leste, iha pagina 31 livro ida-ne’e ko’alia kona-ba saída mak Deputado ou membro Parlamento sira bele halo.
Participa iha lançamento livro ne’e mak hanessan Presidente do Parlamento Nacional, Arão Noé de Jesus da costa Amaral, acompanha hussi membro da Mesa sira, Secretária-Geral do Parlamento Nacional, Cedelizia Faria dos Santos, Ministro dos Negócios Estrangeiros e Cooperação, Dionisio Babo Soares, Presidente Cruz Vermelha de Timor Leste, Madalena Hanjam, Adjunto Chefe Delegação Regional Comité Internacional Cruz Vermelha ba Timor Leste no Indonésia, Dany Merhy, no convidado sira seluk.
