Pagina Inicial»Noticia
Parlamento Nacional, liu hussi reunião Plenária Ordinária, iha loron 14 fulan outubro tinan 2019, Deputado sira halo discussão no aprovação ba Projeto de Resolução nº 40/V(2ª) – Constituição do Grupo de Jovens Parlamentares, no Resolução nº 41/V(2ª) – Participação do Parlamento Nacional na Assembleia Parlamentar Asiático;
Projeto de Resolução nº 40/V(2ª) – aprova ho 44 votos a favor, 0 voto contra no 1 abstenção, objetivo hussi resolução ida ne’e atu aumenta participação jovens iha debate pública no política hodi contribui ba fortalecimento democracia, ba igualdade, ba solidariedade no mós ba participação inclusiva iha desenvolvimento sustentável; Deputado sira ne’ebé mak integra iha Grupo de Jovens Parlamentares mak Deputado sira ne’ebé mak ho idade inferior hussi 45 anos;
Nune’e mós Resolução nº 41/V(2ª) – aprova ho 38 votos a favor, 0 contra no 6 abstenções, finalidade hussi resolução ida ne’e, atu promove liberdade, justiça social, paz, segurança no amizade hodi alcança objetivo hussi Assembleia nian.
Além de resolução rua ne’e, Plenária halo mós discussão no votação ba pedido de autorização ba Deputado Francisco Miranda Branco ho resultado hussi votação a favor 34, contra 3 no Abstenção 2, ho nune’e plenária autoriza Deputado hodi fó depoimento hanessan testemunha iha processo judicial liu hussi carta; no Deputado José Agostinho Sequeira, plenário la autoriza ho votos 0 a favor, 35 contra no 4 abstenções, baseia ba resultado ne’ebé iha, plenário la autoriza Sr. Deputado hodi presta depoimento hanessan testemunha iha processo judicial.
Entretanto iha intervenções diversas nian, Deputado sira continua questiona kona-ba eletricidade, bee moos, estrada, saúde, Educação iha capital Díli inclui município balun ne’ebé seidauk resolve. Além de ne’e, Deputado sira mos questiona kona-ba direito trabalhadores iha Bayu Undang la vincula tuir Lei migratória ne’ebé aprova no promulga; Moras fahi ne’ebé mak acontece to’o agora seidauk iha ação sensibilização ruma hussi parte competente; condição funcionário destacado iha Consulado Timor-Leste nian iha Bali la suficiente iha parte atendimento bainaka VIP ba iha aeroporto laran; problema suspensão ba atividade arte marciais; dificuldade serviço atendimento imigração iha fronteira, maquina scan passaporte ida de’it, no mos falta de recurso humano; problema projeto 143; polémica relaciona ho harii Universidade iha Município Aileu; Problema desastre naturais iha município sira; no informação importante sira seluk.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Secretário de Estado da Comunicação Social, Merício Juvenal dos Reis “Akara”.
