Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi Vice-Secretária da Mesa, Deputada Regina Freitas, halo reunião ho Presidente Rede Feto Timor-Leste, Judit Dias Ximenes, ho nia equipa, iha loron 03 fulan outubro tinan 2019, iha Gabinete Presidente nian.
Iha reunião ne’e Presidente Rede Feto informa ba Presidente do Parlamento Nacional kona-ba preparação Congresso Nacional Rede Feto Timor-Leste ne’ebé sei iha tempo badak.
Horas ne’e daudaun, organiza hela hodi produz Plata Forma Foun ba Feto Timor Leste. oportunidade ne’e parte Rede Feto mós convida Presidente do Parlamento Nacional atu participa iha Congresso Nacional Rede Feto hanessan apoio moral no politica ba Feto Timor-Leste.
Rede Feto mós atualiza serviço hira ne’ebé durante ne’e realiza ona liuliu atividade conferencia municipal ne’ebé hala’o ona iha município 12 no RAEOA, ne’ebé identifica mós prioridade sira ba feto no família iha sociedade Timor-Leste.
Alem de ne’e ko’alia kona-ba submissão orçamento sensível ba género, hodi considera mós prioridade sira nune’e bele prevê iha orçamento tinan 2020 nian.
Presidente do Parlamento Nacional aprecia tebes ho serviço Rede Feto Timor-Leste durante ne’e no hussu atu continua serviço di’ak liu tan iha futuro, liuliu oinsá colabora di’ak liu tan ho GMPTL hodi bele identifica no soluciona necessidade sira ne’ebé importante.
