Pagina Inicial»Noticia
Parlamento Nacional, liu hussi reunião Plenária ordinária, iha loron 01 fulan outubro tinan 2019, Deputado sira halo discussão no aprovação ba Projeto de Resolução nº 39/V(2ª) – Recomenda ao Governo a adoção de medidas relativas à proteção das pessoas com deficiência, resolução ida ne’e aprova ho votos unanimidade iha sessão plenária, ho 39 votos a favor, 0 voto contra no 0 abstenções.
Objetivo hussi resolução ida ne’e, atu garantia dignidade ema ho deficiência, promove sira nia integração iha moris sociedade.
Iha discussão, Deputado sira hussu atu recomendação sira iha resolução ne’e, precisa implementa ho seriedade. Nune’e mós, Presidente Parlamento pronúncia katak Timor-Leste seidauk ratifica Convenções aos Direitos das pessoas com deficiência, talvez ho resolução ne’ebé mak aprova ona ne’e, bele recomenda ba Governo atu bele processa no fó prioridade, atu bele ratifica tia convenção ida ne’e,
Plenário Parlamento Nacional, halo discussão no apreciação ba relatório de participação iha reunião assembleia Geral da União Interparlamentar (UIP) ba dala 140 iha Doha, Qatar, entre 6 e 10 de abril de 2019. Relatório ida ne’e apresenta hussi Presidente Grupo Parlamento Nacional ba UIP, Deputada Veneranda Lemos, no secretário, Deputado Abel da Silva Pires.
Iha sessão plenário ne’e, iha mós declarações políticas hussi Partido Democrático (PD), hato’o hussi Presidente Bancada, António da Conceição relaciona ho vendedores ambulante no vendedor sira Campo alor; nune’e mos Partido KHUNTO hato’o declaração kona ba ai-han di’ak ba população, ne’ebé hato’o hussi Deputado António Verdial.
Entretanto iha intervenções diversas nian, Deputado sira continua questiona kona-ba eletricidade, bee moos, estrada, saúde, problema veteranos, Lixo iha capital Díli inclui município balun ne’ebé seidauk resolve. Além de ne’e, Deputado sira mos questiona kona-ba plano Governo nian atu harii Universidade ida iha Aileu, maibé terreno ne’ebé mak Governo indica, ne’e terreno produtiva comunidade nian, Precisa halo coordenação ho autoridade local no mos população; fatin turismo one dólar beach la iha segurança; vítima desastre naturais iha tinan 2016-2017 seidauk hetan ajuda hussi Governo; foos ne’ebé mak Governo fahe ba escola sira ba merenda escolar ne’e foos la iha qualidade; no informação importante sira seluk.
Sessão Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira no hetan presença hussi Ministro da Reforma Legislativa e Assuntos Parlamentares, Fidélis Leite Magalhães.
