Parlamento Nacional liu hussi reunião plenária ordinária iha loron 23 fulan setembro tinan 2019 halo discussão no apreciação ba relatório de fiscalização hussi Comissão ba Assuntos Economia no Desenvolvimento (Comissão D) ba Município Aileu no Cova Lima, apresenta hussi Presidente Comissão Sra. Virginia Ana Belo, ho Redatora, Deputada Olinda Morais
Relatório fiscalização ne’e destaca kona ba visita fiscalização iha Município Aileu iha área irrigação Banduato, visita construção garagem hodi tau trator, visita uma MDGs, iha Suco Liurai, visita uma lima iha suco Malere ne’ebe mak hari hussi SEFOPE.
Além de ne’e, fiscalização ba Município Cova Lima mak hanesan visita garagem tau trator, visita fatin tau aiteca, visita posto integrado iha mota masin, visita Mercado Fronteira Salele, visita plantação Cajus, visita Carantina, visita viveiros cajus, visita plantação ai cameli, visita irrigação Tafara, visita fatin pescador iha Suai Loro no mos seluk tan.
Iha relatório Comissão nian apresenta recomendação ba Ministério relevante sira hanesan Agricultura e Pescas, Ministro do Turismo, Comercio e Ambiente, Secretariado de Estado de Cooperativas, hodi tau iha consideração iha orçamento 2020 nian.
Entretanto, iha sessão diversos, Deputados sira questiona konaba ação hussi Governo em relação ho recomendação sira hussi relatório visita fiscalização Comissão sira ba iha Município sira.
Alem de ne’e, Deputado sira mos preocupa konaba be mos, estrada, saúde nomos educação no assunto sira seluk.
Hatan ba precupacao sira ne’ebe Deputado sira questiona Secretário de Estado Comunicação Social Mericio Juvenal Akara, hateten preocupação Deputados sira nia sei encaminha ba iha Ministerio Relevante hodi tau iha implementação
Reunião plenária ne’e preside hussi Vice-Presidente Parlamento Nacional, Luís Roberto da Silva acompanha hussi Vice-Secretária da Mesa Maria Isabel Ximenes, ho presença hussi representante Governo Secretario de Estado Comunicação Social Mericio Juvinal dos Reis Akara.
