Secretária-Geral Parlamento Nacional, Sra. Cedelizia Faria dos Santos halo encerramento ba formação ba funcionário sira iha Secretariado Geral Parlamento Nacional kona ba pesquisa no comunicação, ne’ebé maka organiza hussi Centro de Promoção da Igualdade de Género (CEPIG), durante loron tolu hahu loron 18, 19 no 23 fulan setembro tinan 2019.
Objetivo hussi formação ida ne’e atu aumenta conhecimento Funcionários sira ninian iha área Pesquisa no comunicação nian hodi apoio Parlamentares sira ho diak.
Iha encerramento ne’e, Sr. Karlito Nunes, Senior Program manager IRI (International Republicana Institute) hateten, nia agradece ba Parlamento Nacional especificamente ba CEPIG ne’ebé mak fo fiar ba IRI hodi fo formação ba funcionário sira. Nia mos hatutan katak formação ida ne’e intensivo no interativo tebes, espera katak matéria ne’e bele útil, atu funcionário sira hodi fo assistência ba Deputados sira.
Alem de ne’e, Secretária-Geral Parlamento Nacional, Sra. Cedelizia Faria dos Santos, fo agradece ba IRI ne’ebé fo formação ba Funcionário sira hodi fo apoio máximo ba Deputado sira, nia mos hateten, matéria ne’ebé aprende tenki implementa, ida ne’e mak importante, no tenki fahe tutan ba ema seluk. No ikus liu. Secretária-Geral hussu IRI, atu kontinua fo apoio formação ba Funcionário sira Parlamento Nacional nian.
Participa iha formação ne’e, funcionário hussi Gabinete de Estudo Estratégico e Jurídico, Centro de Promoção de Igualdade e Género, Divisão de Relações Públicas, Comunicação e Educação Cívica, no mos Divisão sira seluk.
