Pagina Inicial»Noticia
Diretora Nacional PLAN Internacional iha Timor-Leste, Diliana Ximenes, ho nia equipa halo reunião ho Presidente do Parlamento Nacional, Arão Noé de Jesus da Costa Amaral, iha loron 18 fulan setembro tinan 2019, iha Gabinete Presidente Parlamento Nacional.
Iha reunião ne’e atu informa ba Presidente do Parlamento Nacional kona-ba plano comemoração Loron Mundial ba Labarik Feto sira ne’ebé sei hala’o iha loron 11 fulan outubro tinan 2019.
Nune’e parte PLAN Internacional aproveita oportunidade ne’e hodi hussu disponibilidade Presidente do Parlamento Nacional nian atu oferece horas balun ba labarik feto ida hussi Município Ainaro, ne’ebé parte PLAN Internacional identifica ona hodi assume cargo hanessan Presidente do Parlamento Nacional.
Iha tinan kotuk, programa hanessan ne’e realiza ona no labarik feto ida hussi Município Aileu mak assume cargo hanessan Presidente do Parlamento Nacional durante horas ida nia laran.
