Vice-Presidente Parlamento Nacional, Maria Angelina Lopes Sarmento acompanha hussi II Vice-Presidente, Luís Roberto da Silva, Presidente Bancada sira no Presidente Comissão Especializadas sira halo reunião ho Delegação hussi ASEAN, iha loron 05 fulan setembro tinan 2019, iha Sala de Conferências Parlamento Nacional nian.
Reunião ida ne’e ho objetivo atu partilha informação ho membru ASEAN kona-ba Timor Leste nia compromisso Timor-Leste nian atu sai membro ASEAN. Parlamento Nacional hasoru malu ho equipa hussi Missão Exploratório ASEAN nian, ne’ebe mak halo esploração mai Timor Leste atu avalia kona-ba Timor Leste nia prontidão atu sai membro permanente ba ASEAN. Delegação ne’e composto hussi representante hussi Nação Tailândia, Vietnam, Brunei Derussalem, Camboja, Indonésia, Laos, Malaysia, Myanmar, Filipina no Singapura.
Parlamento Nacional simu Delegação ne’e hodi partilha informação liu-liu liga ho knar Parlamento Nacional nian kona-ba halo no aprova Legislação sira, aprova Orçamento ho Programa no halo Fiscalização.
Além de ne’e, koalia mos kona-ba competência Parlamento Nacional nian hodi hare ba Lei sira hussi VIII Governo Constitucional nian, hodi fó prioridade liu ba reforma legislação sira ne’ebe mak la conformidade ho ita nia situação bainhira ita implementa Lei sira ne’e. Lei sira ne’ebe mak ita halo alteração no reforma ne’e inkomformidade mos enkuadramento legal ho ASEAN nian, tamba Lei ne’ebe mak ita aplica iha ita nia rai tenki fo mos benefisio ba ema ne’ebe mak mai hussi região ASEAN nian. Principalmente iha setores economia, saúde, social, educação no turismo e comércio no seluk tan ne’ebé bele promove desenvolvimento economia.
Parte importante ida mak Timor-Leste bele responde ona ba polítika ne’ebe maka liu hussi Ministério dos Negocios Estrangeiros, Timor Leste konsege harii ona edificio diplomatico iha pais sira membro ASEAN nian. Tecnicamente, Timor-Leste bele responde ona ba reunião sira ne’ebe mak convoca hussi ASEAN iha tinan ida nia laran liu hussi ita nia representante sira iha Pais membros ASEAN nian, Iha sorin seluk, Membro ASEAN balun fo apoio ona Nação Timor Leste atu sai membro permanente ba ASEAN.
