Pagina Inicial»Noticia
Parlamento Nacional liu hussi Sessão Plenária Comissão Permanente nian, iha loron 28 fulan agosto tinan 2019, aprova ona Projeto de Deliberação nº 5/ V (1º) - Convocação do Parlamento Nacional, ho 21 votos a favor, 0 contra no 0 abstenções.
Projeto de Deliberação ne’e atu convoca Deputado sira hotu participa iha sessão solene ne’ebé sei realiza iha loron 30 fulan agosto hodi comemora tinan 20 aniversario referendo (Consulta Popular 30 de agosto 1999) no missão INTERFET iha Timor Leste.
Iha intervenções diversas, Deputado sira hato’o preocupação kona-ba Policia Imigração ne’ebé haruka fila cidadão timor oan na’in 70 ne’ebe usa passaporte atu viagem ba Indonésia, combustível ba policia esquadra sira ne’ebé la suficiente, lixo ne’ebé continua aumenta iha cidade laran inclui assunto sira seluk.
Sorin seluk, Bancada KHUNTO hato’o declaração politica kona-ba condição edifício Embaixada Timor-Leste nian iha Lisboa Portugal ne’ebé la suficiente atu nia funcionário sira hala ’ó-nia serviço, no salario ba funcionário embaixada nian ne’ebé la suficiente hodi responde ba necessidade loroloron.
Entretanto Secretário de Estado para a Comunicação Social, Merício Juvenal dos Reis «Akara» hateten preocupação hirak ne’e sei transmite ba ministério relevante sira hodi buka solução, liuliu preocupação hirak ne’ebé considera urgente hodi resolve.
Reunião Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro sira Mesa Comissão Permanente no hetan presença hussi Secretário de Estado para a Comunicação Social, Merícico Juvenal «Akara».
