Pagina Inicial»Noticia
Parlamento Nacional, iha loron 26 fulan agosto tinan 2019, halo celebração ba tinan 20 Aniversario Consulta Popular no Missão INTERFET (The International Force East Timor), iha Parlamento Nacional.
Celebração ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi Deputado sira no presença hussi Ministro da Reforma Legislativa e Assuntos Parlamentares, Fidélis Manuel Leite Magalhães, Ministra da Solidariedade Social e Inclusão, Armanda Berta dos Santos, Embaixador sira inclui convidado sira seluk.
Representante hussi Presidente Comissão Organizadora ba Celebração tinan 20 Aniversario ba Referendo no Missão INTERFET, Hugo Maria Fernandes, hatete ho convite hussi Parlamento Nacional atu comemora tinan 20 Consulta Popular no Missão INTERFET iha Parlamento Nacional, comissão organizadora ba comemoração ne’e disponibiliza hodi fornece mós fotografia histórico sira atu ita hotu continua lembra sofrimento povo nian ba luta libertação nian. Exibição fotografia hirak ne’e ho tema «Um Povo Uma Pátria Ba Ami-nia Futuro»
Iha fatin hanessan Presidente do Parlamento Nacional, Arão Noé de Jesus da Costa Amaral, hatete celebração ida-ne’e importante tebes atu ema hotu continua hanoin sofrimento hirak ne’ebé povo enfrenta durante tinan 24 hodi hetan independência.
Hafoin discurso, Presidente do Parlamento Nacional acompanha hussi membro do Governo sira, Deputado sira, inclui Embaixador sira halo lançamento ba exposição fotografia iha recinto Parlamento Nacional.
Iha comemoração ne’e, halo mós lançamento ba vídeo ida kona-ba Língua Portuguesa «A língua Portuguesa é a nossa língua» antes halo visita guiada ba exposição sira ne’e.
