Pagina Inicial»Noticia
Presidente do Parlamento Nacional, Arão Noé de Jesus da Costa Amaral, participa iha cerimónia ba comemoração tinan 20 consulta popular, iha Parque Dom Boaventura Luak, Município Manufahi, iha loron 16 too 17 fulan agosto tinan 2019.
Iha discurso Presidente do Parlamento Nacional hatete comemoração ne’e importante tebes ba povo tomak liuliu Município Manufahi hodi hanoin hikas sofrimento povo nian hodi hetan independência.
Iha oportunidade ne’e Presidente do Parlamento Nacional mós hussu ba juventude sira Município Manufahi nian atu continua garante paz no estabilidade hodi contribui ba processo desenvolvimento.
Hafoin comemoração, iha loron 17 fulan agosto Presidente do Parlamento Nacional acompanha hussi Administrador Município inclui convidado sira seluk continua participa misa agradecimento iha Paroquia Nossa Senhoria de Assunção Same, hafoin continua kari ai-funan iha Ossuário Município Manufahi nian.
