Comissão Eventual ba análise Proposta Alteração Consensuais ba Proposta de Lei do Orçamento Geral do Estado 2016, hala'o ohin, loron 10 fulan dezembro, ninia reuniaun ba dala uluk hodi discuti no vota iha especialidade ba Orçamento Geral do Estado 2016.
Reuniaun Comissão ne'e hala'o iha Salão Nobre do Ministério dos Negócios Estrangeiros e Cooperação, preside hussi Presidente do Parlamento Nacional, Vicente da Silva Guterres. Hola parte iha reuniaun ne'e Vice-Presidente do Parlamento Nacional, Adérito Hugo da Costa. Participa mós iha reuniaun ne'e representante hussi bancada parlamentar hat, Deputadu sira membru hussi Comissão de Finanças Públicas nó presidente hussi comissão especializada permenente sira seluk.
Reunião ne'e conta mós ho presença hussi Primeiro-Ministro, Dr. Rui Maria Araújo, Ministra das das Finanças, Dra. Santina Cardoso nó membro governo sira seluk.
Durante reuniaun ne'e halo análise proposta alteração sira ba proposta de lei do Orçamento Geral do Estado para 2016 ne'ebe apresenta hussi Deputado sira, hamutuk proposta 46 ne'ebe admite hussi Mesa Parlamento Nacional, nó Governo simu proposta alteração 33.
Tuir fali, membro Comissão sira hala debate ba proposta de alteração 13 ne'ebé la hetan concordância hussi Governo, Comissão analisa em pormenor proposta alteração sira kona-ba orçamento previsto ba Gabinete Primeiro-Ministro, Secretaria de Estado da Juventude e Desporto, Secretaria de Estado para a Política da Formação Profissional e Emprego, Ministério da Solidariedade Social, Ministério da Saúde, Ministério do Comércio, Indústria e Ambiente, Ministério do Turismo, Arte e Cultura, Ministério do Interior, Ministério da Justiça, Tribunais, Provedoria dos Direitos Humanos e Justiça e Polícia Científica de Investigação Criminal.
Hafoin reuniaun ne'e remata, Vice-Presidente do Parlamento Nacional, Adérito Hugo da Costa, informa ba órgãos de comunicação social kona-ba Comissão nia serviço, nó declara katak, proposta alteração sira ne'e la implica mudança ruma ba valor global hussi proposta de orçamento ne'ebe Governo apresenta.
Comissão sei hahú hikas ninia serviço iha loron 11 de dezembro, tuku 3 loraik.
