Assembleia Parlamentar ba dala lima husi Comunidade dos Países de Língua Portuguesa (AP-CPLP), ne’ebé hala’o iha Díli iha 9-11 abril, hetan presença husi Angola, Moçambique, Portugal, São Tome e Príncipe ho Timor-Leste.
Delegado sira husi países-membros CPLP nian halibur iha Comissão Especializada Permanente tolu kona-ba tema sira-ne’e: “Política, Estratégia, Legislação, Cidadania e Circulação”, “Economia, Ambiente e Cooperação” no mós “Língua, Educação, Ciência e Cultura”.Reunião husi Rede de Mulheres da CPLP, no mós husi Presidentes/Mesas husi Grupo Nacional sira, mós hala’o dala ida ho ida-ne’e.
Sessão Solene ba Abertura AP-CPLP dalimak ne’e inclui intervenção husi Presidente da Assembleia Nacional de Angola no mós Assembleia Parlamentar da CPLP, Fernando da Piedade Dias dos Santos, husi Presidente da Rede de Mulheres da Assembleia Parlamentar da CPLP, Cândida Celeste da Silva, no mós husi Vice-Primeiro Ministro de Timor-Leste, Fernando La Sama De Araújo.
Iha Sessão Solene ba Encerramento, liutiha discurso husi Presidente do Parlamento Nacional de Timor-Leste, Vicente da Silva Guterres, no husi Presidente da Assembleia Nacional de Angola e da Assembleia Parlamentar da CPLP, Fernando da Piedade Dias dos Santos, chefe delegação ida-idak nian assina comunicado final.
Ita-Boot sei bele hetan intervenção hotu-hotu no mós comunicado final iha Parlamento Nacional de Timor-Leste nia portal:http://www.parlamento.tl/cplp/2014/index.php.
