Pagina Inicial»Noticia
Komisaun F ne’ebe trata asuntu Saude, Seguransa Sosial no Igualdade Jeneru, durante loron rua iha 27 no 28 finaliza ona diskusaun iha espesialidade ba Proposta Lei no 20/V(2ª) – alterasaun dahuluk ba Lei no 10/2004, loron 24 fulan novembro, Lei Sistema Saude.
Durante diskusaun ne’ebe prezide husi Prezidente Komisaun F, Deputadu Noé da Silva Ximenes «Buka Tuir», ho prezensa Ministra Saúde, Odete Maria Freitas Belo, diskute liu ba artigu hirak ne’ebe sofre alterasaun.
Proposta alterasaun ne’e hetan apresiasaun husi membru sira Komisaun F nian tanba ho ideia ida atu fasilita Governu di’ak liu tan atu responde ba kalamidade ruma mosu iha futuro.
Ho diskusaun final ne’e, Komisaun F sei prepara relatóriu no pareser hodi aprezenta ba plenária atu hetan aprovasaun final global.
