Comunicado Imprensa
Aktividade PPN
Presidente Parlamento Nacional Dr Aniceto Guterres, ohin Quinta Feira (29/10/2020), halao encontru ho Assosiasaun independente recolha dadus de veteranos falsifikador (AIRDVF), iha Gabinete PPN. Objectivu hosi reuniao nee. AIRDVF husu ba Presidente Parlamentu Nacional atu fo apoiu politika ba sira nia servisu ligadu ba verifikasaun dadus veteranos.
Presidente Parlamentu Nacional prontu fo apoiu politika, ba Assosiasaun nee hodi halao nia servisu.
Nunee mos iha loron nebee hanesan Presidente Parlamento Nacional, Dr Aniceto Guterres, halo encontru ho Country Director World Food Programme, (WFP), Sr Degeng Liu .
Segunda_Feira loron 26/10/2020 Presidente Parlamentu Nasional partisipa iha reuniaun Conselho Estadu, relasiona ho pedido Governu nian ba extende Estadu Emergencia ba dahitu...
Plenaria
Iha loron Quarta Feira 28/10/2020 Iha oras tuku 17.00 Lokraik governu liu hosi Ministru asunto parlamentar no Komunikasaun Fransisco Jeronimo, akompanha hosi Chefi Gabinete Vice Ministra Financas no tekniku sira hosi Ministerio Financas entrega dokumentu livru Proposta OGE 2021 ba PN, simu direitamente hosi Sekertaria Meja PN Deputada Lidia Martins no Vice-Secretario Deputadu António Nobre akompanha hosi Sekertaria Geral PN, no Chefi Gabinete PPN iha, Sala Gabinete PPN. Dokumentus hirak nee meja PN sei fo ba tekniku sira atu distribui ba Deputados hotu.
Nunee mos iha loron hanesan, Quarta Feira, liu husi sessão plenária extraordinária, Deputado sira halo discussão no aprovação ba Projeto Resolução nº 60/V(3ª) – Recomenda ao Governo a adoção de medidas para prevenção do infanticídio e abandono de bebes e crianças no nº 61/V(2ª).
Iha Terca_feira loron 27/10/2020 Parlamentu Nasional liu husi sessao plenaria autoriza Presidente da Republika hodi dekreta Estado Emergencia ba dahitu, ho rezultadu votasaun nominál a-favór 42, kontra 0, no abstensaun 0.
Hanesan ita hotu hatene katak iha loron Segunda Feira dia 26 de Outobru 2020 liu ba, iha sesaun plenária, Mesa PN baixa ona Proposta OGE 2021 ba Komisaun Espesializada Permanente sira hodi halo agendamentu ba audiensia publika.
Komisaun
Komisaun C (finanças publicas) Parlamentu Nacional aprova ona kalendario hahu hosi panorama orsamental, audensia publiku, debate jeneralidade no espesialidade. Aprovasaun kalendario nee hetan votus unaminidade.
Komisaun C (finanças publicas) sei komesa ho panorama orsamental iha loron 4-5 de November, tuir planu sei halo iha Hotel Novo Turismo. Hahu husi dia 6 de Novembru 2020 sei halo audensia publiku. Agenda debate jeneralidade sei hahu iha loron 01 de Desembru no sei termina iha loron 18 de Desembru 2020.
Iha loron horseik 28-Outobru-2020, Presidente Comissão G ne’ebé trata assunto Educação, Juventude, Cultura e Cidadania, Deputado António Verdial, representa Presidente Parlamento Nacional, participa iha cerimónia ba celebração fulan educação nian iha Salão Ian Martin, INFORDEPE, Balide.
