Sei hare ba buat ne’ebé mak hakerek iha artigu sira 16.º no 17.º hosi Konstituisaun Repúblika Demokrátika Timor-Leste no iha artigu 9.º, n.º 1, alínea b) hosi Rejimentu Parlamentu Nasional, no presiza atu halo promosaun ativa ba igualdade feto-mane (jeneru), nune’e hodi buka hatun dezigualdade sosial no ekonómika mak mosu iha feto no mane sira nia let;

 

Sei konsidera katak halo violénsia hasoru feto sira sei halo nafatin iha sosiedade Timor-Leste nia laran, no sai nudar obrigasaun Estadu nian atu satan no hadok feto sira hasoru tipu oin-oin diskriminasaun nian;

 

Sei konsidera tratadu internasional sira ne’ebé mak Timor-Leste asina no obrigasaun sira ne’ebé mak mai hosi tratadu sira ne’e hodi halo promosaun ba igualdade feto-mane (jeneru), hanesan mos importánsia iha ita nia partisipasaun iha Rede Feto Parlamentar nian iha CPLP, no iha organizasaun seluk hanesan;

 

Sei konsidera katak halo promosaun ba igualdade feto-mane (jeneru) sai nudar Objektivu Dezenvolvimentu Miléniu nian;

 

Sei konsidera katak iha nesesidade atu Parlamentu Nasional Timor-Leste tau matan hodi halo formulasaun no ezekusaun ba medida no polítika sira igualdade feto-mane (jeneru), hanesan mos halo preparasaun no diskusaun ba relatóriu kona ba Kuda (Implementasaun) Konvensaun kona ba Hakotu Forma sira Hotu atu halo Diskriminasaun hasoru Feto;

 

Ikus liu sei konsidera katak iha nesesidade atu halo analize ba projetu no proposta lei sira, uainhira koalia kona ba feto-mane (jeneru),

 

Parlamentu Nasional hadia, tuir ho termu sira mak hakerek iha artigu 92.º hosi Konstituisaun, mai ne’e:

Halo aprovasaun hodi hari’i Grupu Feto Parlamentar Timoroan.

Buka hatama item ida rasik iha Orsamentu hodi bele garante ba Grupu Feto Parlamentar Timoroan nian dalan sira ne’ebé mak presiza atu hala’o ninia funsionamentu lolós.

Halo aprovasaun iha loron 16 fulan Outubru tinan 2007.

 

 

Prezidente Parlamentu Nasional,

 

 

Fernando La Sama de Araújo