Comissão Permanente halo reunião dahuluk

Comissão Permanente Parlamento Nacional, halo reunião Plenária dahuluk iha loron 8 fulan fevereiro tinan 2018.
Reunião ne’e ho ponto principal iha Período Ordem do Dia nian hodi hili cargo Secretário no Vice-secretário da Mesa nian ne’ebé apresenta hussi lista única.
Nune’e liu hussi eleição secreta hussi membro Comissão Permanente hamutuk na’in 29 inclui Presidente Parlamento ho nia Vice-Presidente na’in rua, ne’e hili Deputada Maria Terezinha Viegas hussi bancada CNRT hanessan Secretaria da Mesa Comissão Permanente, Deputada Signi Chandrawati Verdial hussi bancada PLP nu’udar Vice-secretária da Mesa, ho votos 19 a favor, 7 contra no 3 abstenções.
Comissão Permanente ne’e forma hussi cada bancada parlamentar tuir regra proporcionalidade nune’e iha IV Legislatura ne’e bancada FRETILIN na’in 10 inclui Presidente Parlamento Nacional, Bancada CNRT na’in 10, Bancada PLP na’in 4, Bancada PD na’in 3 inclui Vice-Presidente do Parlamento Nacional, no Bancada KHUNTO na’in 2 inclui Vice-Presidente do Parlamento Nacional.
Ho eleição ne’e, bancada parlamentar hodi iha nia representação iha Mesa Comissão Permanente Parlamento Nacional nian.
Antes eleição, iha Período de Antes da Ordem do Dia Deputado sira sugere atu halo alteração ba Regulamento Comissão Permanente nian ne’ebé estabelece liu hussi Deliberação Comissão Permanente n.o 6/2008.
Reunião Plenária ne’e preside hussi Presidente do Parlamento Nacional, Aniceto Longuinhos Guterres Lopes acompanha ho nia Vice-Presidente na’in rua.

1 2
Links Info Parlamentar Contactos

Governo de Timor-Leste

Rua : Formosa

CAVR Timor-Leste

Fax: (+670) 3323884

UNMIT Timor-Leste

Telp: (+670) 3339869, 3339870

UNDP Timor-Leste

Email: [email protected]

Comunidade dos Paises de Lingua Portuguesa

          [email protected]

Inter-Parliamentary Union

 

Portail pour le Développement Parlamentaire

ASG-PLP

AP-CPLP
GOPAC
AIPA