Página Inicial » GMPTL » Informação Konaba GMPTL

Informação konaba GMPTL
KONTESTU
  1. Grupu Feto Parlamentu (GMPTL) estabelese tiha ona iha Primeira Lejislatura, iha tinan 2006, liu husi Rezolusaun  No.2/2006 loron 12 fulan Abril hodi hatan ba konviti nebe mai husi Grupu feto Parlamentar CPLP, nebe Feto Parlamentar Timor-Leste involve kedas iha rede Parlamentar Feto CPLP, iha inisiativa ba dala uluk iha Brasil, tinan 2005.

 

  1. Iha tinan 2007, GMPTL habelar tan nia papel no mandatu, liu husi rezolusaun 16/10 fulan Outubru, hodi nune’e estatutu ne’e hetan alterasaun iha loron 12 fulan Marsu tinan 2008, ho razaun hanesan pontu hirak tuir mai ne’e:

 

  • Konsidera ba buat nebe mak hakerek iha artigu 16.º no 17.º Repúblika Demokrátika Timor-Leste nia Konstituisaun, hodi halo promosaun ba igualdadi feto-mane (jeneru), no Estadu halo intervensaun maka’as atu hatun dezigualdade sosial no ekonómika entre feto no mane;

  •  

  • Konsidera katak halo violénsia hasoru feto, sei halo nafatin iha sosiedadi Timor-Leste, no sai nudar Estadu nia obrigasaun atu bali/proteje feto sira hasoru tipu violénsia oin-oin;

  •  

  • Konsidera katak kampu traballu iha Timor-Leste sei halo diskriminasaun hasoru feto sira, hodi selu feto sira nia saláriu ki’ik liu mane sira nia saláriu;

  •  

  • Sei konsidera mos tratadu Internasional sira nebe mak Timor-Leste asina no obrigasaun sira nebe mak mai husi tratadu sira ne’e hodi halo promosaun ba igualdadi feto-mane (jeneru), hanesan mos importánsia iha ita nia partisipasaun iha Rede Feto Parlamentar CPLP;

  •  

  • Konsidera katak promosaun ba igualdade feto-mane (jeneru) sai nudar Objetivu Dezenvolvimentu Miléniu nian;

  •  

  • Konsidera katak iha nesesidadi atu Parlamentu Nasional Timor-Leste tau matan ba formulasaun no ezekusaun ba medida no polítika igualdade feto-mane (jeneru), nune’e mos halo preparasaun no diskusaun ba relatóriu implementasaun Konvensaun kona ba Hakotu Forma Diskriminasaun hot-hotu hasoru Feto;

  •  

  • Konsidera katak Parlamentu Nasional aprova ona iha loron 28 fulan Marsu tinan 2008 REZOLUSAUN HUSI PARLAMENTU NASIONAL n.º 06/2006, halo publikasaun iha Jornal Repúblika, iha loron 12 fulan Abril tinan 2006, ho hanoin atu hari Grupu Feto Parlamentar Timor-Leste;

  •  

  • Termu hirak ne’e ho hanoin ida atu regula kompozisaun ne’e rasik, organizasaun no funsionamentu, hodi aprova Estatutu ba Grupu Feto Parlamentar Timor-Leste.

  • OBJETIVU

  • Halo promosaun ba atividadi sira nebe bele hasa’e tan feto nia reprezentasaun no partisipasaun iha polítika nasional.

  • Halo promosaun ba soromutu, hodi troka esperiensia no prátika diak kona ba kestaun sira nebe mak koalia ba promosaun igualdadi feto-mane (jeneru), no kona ba kombate hasoru diskriminasaun no dezigualdadi;

  • Halo promosaun ba dezenvolvimentu iha koperasaun ho Rede Feto Parlamentu Nasional husi Estadu Membru CPLP nian, nune’e mos ho grupu husi Parlamentu sira seluk;

  • Fo tulun ba partisipasaun Feto Parlamentar sira iha atividade nebé mak hala’o husi Rede Feto Parlamentu Nasional Estadu Membru CPLP nian, hanesan mos husi Parlamentu sira seluk, no entidade nasional ka estranjeiru sira seluk, fo fasilidadi ba kontaktu ema ida-idak no mos instituisaun husi nia membru sira;

  • Halo kontaktu ho instituisaun oin-oin nasional no rai liur  nebe halo estudu ba tema sira nebe mak relasiona ho GMPTL nia objetivu;

  • Halo dezenvolvimentu ba atividade nebe mak hare katak iha utilidade atu hala’o nafatin objetivu sira ne’e.

  • KOMPROMISU 


    Deputada sira nebe forma GMPTL,  buka halo kompromisu atu:

    1. Haburas debate parlamentar, hodi hanoin atu konsensializa sidadaun Timor aon sira,  no halo kolaborasaun hodi bele iha transformasaun sosial ida, bainhira uza plataforma igualdade feto-mane (jéneru) no sidadania ba feto sira;

     

    1. Hato’o lejislasaun no ezekusaun polítika públika atu halo dezenvolvimentu sustentável no kombate dezigualdade sosial; promove inkluzaun ba feto sira, no mos hakruk ba populasaun nebe pluralismu no diversidade, hanesan katuas ho ferik, ema sira ne’ebé mak presiza tulun espesial husi ema seluk, nune’e mos ba homoseksual sira;

     

    1.  Hatama iha lejislasaun nasional, direitu no garantia fundamental sira nebe hakerek iha dokumentu internasional nebe Repúblika Demokrátika Timor-Leste asina tiha ona;

     

    1. Haklean diálogu ho sosiedadi sivil, movimentu sosial, feto sira nia organizasaun, hodi nune’e bele hadiak ema hotu-hotu nia moris no habelar demokrasia polítika, sosial no ekonómika;

     

    1. Fo kontribuisaun atu halo formulasaun no ezekusaun ba polítika públika, hodi fahe rendimentu, liu-liu kombate hasoru kiak no hasa’e feto sira nia kapasidadi iha área rural.

    ORGANIZASAUN

     

    GMPTL nia organizasaun kompostu husi meza no mos sub grupu hanesan tuir mai ne’e:

  • GMPTL nia meza forma husi Prezidenti, Visi  Prezidenti no Sekretária

  • GMPTL nia meza sei hili rotativa tuir votu maioria husi feto Parlamentar ba periúdu tinan rua ho balu husi lejislatura

  • Bainhira hahu Lejislatura ida, liu tiha loron lima, no hatene ona katak feto Parlamentar sira nebe mak atu tur iha Parlamentu Nasional, GMPTL sei reuni no sei lidera temporaria husi deputada ida nebe mak tinan bot liu, hodi hahu hala’o servisu atu hili Prezidenti, visi Prezidenti no sekretária ida.

  • Liu tiha periudu tinan rua ho balu husi lejislatura, GMPTL hili fali nia meza foun lidera husi Prezitenti tuan.

  • Husi organizasaun ne’e, iha mos sub grupu:

  • Ho maioria simplis, bele hari subgrupu,  kompostu husi mínimu deputada nain tolu

  • Sub grupu sei hili nia Prezidenti no nia visi Prezidenti, hanesan mos relatora ida

  • Sub grupu sira iha responsabilidadi atu halo akompanhamentu, estudu no investigasaun ba matéria ka tema espesífiku, nebe iha relasaun ho GMPTL nia  objetivu prioritáriu

  • Sub grupu funsiona ho forma permanenti, no sei hakotu sira nia knar bainhira meza foun simu pose, tuir artigu 5 husi GMPTL nia estatutu.

  • GMPTL  iha nia knar lor-loron, hetan tulun husi sekretária ezekutiva nain ida.
    Kompete ba Sekretária ezekutiva atu hala’o knar hanesan:

  • Halo arkivu, rejistu iha livru rasik, no bainhira presiza, bele halo publikasaun ba GMPTL nia aktu hot-hotu nebe ofisial ka lae

  • Simu konviti, reprezentasaun petisaun nebe haruka mai GMPTL

  • Simu no halo GMPTL nia korespondensia ofisial

  • APOIU TEKNIKU NO ESPESIALIZADU

     

    Parlamentu Nasional iha Sentru Estudu ba Jéneru ida nebe importanti tebes hodi fo apoiu tekniku no espesializadu ba GMPTL

     

    ATIVIDADE

     

    GMPTL iha nia knar lor-loron buka atu sensibiliza no dezenvolve kapasidadi abordájen Jéneru, liu husi atividadi sira hanesan:

  • Integra prepektiva Jéneru iha Lejislasaun, programa, orsamentu estadu no reprezentasaun demokrátiku

  • Treinamentu, workshop, semináriu, konferensia no estudu komparativu

  • fet1fet2


    Ligasaun Info Parlamentar Kontaktu

    Rede Feto Timor-Leste

    Rua : Formosa

    UNFPA

    Telefone: (+670) 3323884

    UNWOMAN

    Fax: (+670) 3323884

    UNDP Timor-Leste

    Blog Salurik

     

    Blog Rede Feto